اورنگ آباد: دیوالی کے بعد اور لوک سبھا انتخابات سے پہلے سینٹرل جانچ ایجنسیوں کا استعمال کر کے بڑی تعداد میں لوگوں پر کاروائی کی جائے گی، ساتھ ہی مسلم، عیسائی اور جین سماج کے لوگوں پر بھی زیادتی کا خدشہ ہے۔ اس طرح کا سنسنی خیز بیان ونچیت بہوجن آگھاڑی کے صدر پرکاش امبیڈکر نے اورنگ آباد کے صوبداری گیسٹ ہاؤس میں دیا۔ انہوں نے کہا ہے کہ آر ایس ایس کی جانب سے کئی ساری افواہیں پھیلائی جا رہی ہیں، لیکن اس طرح کی کسی بھی قسم کی افواہوں پر ملک کی عوام نے دھیان نہیں دینا چاہیے۔
ریاست مہاراشٹر کے اورنگ آباد شہر میں ونچیت بہوجن آگھاڑی کے صدر پرکاش امبیڈکر نے دعویٰ کیا ہے کہ دیوالی کے بعد پارلمانی انتخابات کے وقت ملک میں کوئی بڑا حادثہ ہو سکتا ہے۔ پرکاش امبیڈکر نے کہا ہے کہ ملک میں جو موجودہ حال چل رہا ہے وہ پچھلے 70 سالوں میں نہیں ہوا ہے۔ جیسے جیسے لوک سبھا انتخابات قریب ہوں گے اور دیوالی ختم ہو گی، ویسے ویسے مرکزی جانچ ایجنسیوں کا استعمال کیا جائے گا، جس میں ای ڈی، سی بی ائی، انکم ٹیکس، راؤ، ائی بی، ان کا پوری طرح سے استعمال کیا جائے گا،اور لوگوں پر ریڈ کی جائیں گی۔ساتھ ہی پرکاش امبیڈکر نے کہا ہے کہ بڑے پیمانے پر ملک میں عیسائی، مسلم اور جین ان پر حملے شروع ہو جائیں گے۔
اورنگ آباد کے صوبیداری گیسٹ ہاؤس میں صحافی بات کرتے ہوئے پرکاش امبیڈکر نے کہا کہ انہوں نے لوگوں سے درخواست کی ہے، ملک میں دیوالی کے بعد حالات اور ماحول بدل سکتا ہے اور یہ توقع ہے کہ گودھرا، منی پور جیسے حالات مُلک میں ہو سکتے ہیں۔ اس لیے لوک سبھا انتخابات تک ملک میں امن و شانتی رہنی چاہیے۔ سناتن دھرم پر نقطہ چینی کرتے ہوئے, پرکاش امبیڈ کرنے کا ہے کہ یہ لوگ ملک کے ماحول کو خراب کرنا چاہتے ہیں, اسی لیے ملک بھر میں افوائیں پھیلائی جا رہی ہیں, لیکن ان افواہوں پر دھیان نہیں دینا چاہیے اور مُلک میں امن قائم رکھیں۔ ورنہ دنیا کو یہ پیغام جائے گا کہ ملک میں ہندو حکومت ہے اور ہندوؤں پر مظالم ڈھائے جا رہے ہیں۔
یہ بھی پڑھیں: World Mental Health Week عبدالعزیز ہسپتال میں دماغی صحت کا عالمی ہفتہ منایا جائے گا
پرکاش امبیڈکر نے کہا ہے کہ جین مذہب کے لوگوں پر بھی حملے کیے جائیں گے، کیونکہ ان میں بھی ویج اور نان ویج کی لڑائی رہیں گی، کیونکہ کئی سارے جین سماج کے لوگ نان ویج کا کاروبار کرتے ہیں اسی لیے انہیں نشانہ بنایا جائیں گا۔
