مرکزی ایجنسی نے دعویٰ کیا ہے کہ اس معاملے میں مزید تفتیش کرنے کے لئے وازے کو اسی ہوٹل میں لے گئی، جہاں اس نے 15 فروری سے 20 فروری تک جعلی نام، جعلی آدھار کارڈ اور فوٹو دکھا کر تقریباً پانچ دنوں تک قیام کیا تھا جبکہ 25 فروری کو مکیش امبانی کے گھر کے پاس دھماکہ خیز مادہ سے بھری کار کو پارک کیا گیا تھا۔
سچن سے اسی ہوٹل ٹرائیڈنٹ میں تقریباً 3 گھنٹوں کی پوچھ گچھ کے دوران متعدد اہم انکشافات سامنے آئے ہیں۔ اس دوران کے سی سی ٹی وی فوٹیج کی تفتیش سے پتہ چلا کہ سی سی ٹی وی فوٹیج میں ایک خاتون مشکوک حالت میں دکھائی دی جو کہ سچن وازے کے ساتھ ہوٹل میں موجود تھی۔
اس خاتون کو وازے نے نوٹ گننے والی مشین دی تھی۔ این آئی اے کو شک ہے کہ اسی ہوٹل میں بیٹھ کر سازش رچی گئی تھی۔ فی الحال این آئی اے مشکوک خاتون کو تلاش کر رہی ہے۔
سچن وازے جب ہوٹل میں آئے تھے، تب ان کے پاس 5 بیگ تھے جس میں سے ایک بیگ میں جلیٹن ہونے کا اندیشہ بتایا جا رہا ہے۔ ساتھ ہی خاتون کے ہاتھ میں نوٹ گننے والی مشین بتائی جا رہی ہے۔
این آئی اے کو بھی شبہ ہے کہ اس پوری سازش میں یہ عورت بھی شامل ہوسکتی ہے۔ جعلی دستاویزات ضبط کرلیے گئے ہیں۔
مزید پڑھیں:
بہار اسمبلی میں زبردست ہنگامہ آرائی
اگر ذرائع پر یقین کیا جائے تو جعلی دستاویزات کی بنیاد پر سچن تقریبا 5 دن ممبئی کے ٹرائڈینٹ ہوٹل میں قیام پذیر تھے۔ ان تمام جعلی دستاویزات کو این آئی اے نے ضبط کر لیا ہے جس جعلی آدھار کارڈ کی بنیاد پر سچن ہوٹل میں قیام پذیر تھے۔ اس پر سداشیو کھامکر نام لکھا ہوا تھا جس پر یوم پیدائش کی تاریخ بھی لکھی ہے۔
