فیملی فرسٹ گائیڈنس نام کی ایک غیر سرکاری تنظیم کے ذریعه ممبئی کے صابو صدیق کالج میں دو روزہ ورکشاپ منعقد کیا گیا ہے، اس ورکشاپ کے انعقاد کا مقصد یہ ہے کہ معاشرے میں شادی سے قبل ان لوگوں کی کونسلنگ کی جائے جو ازدواجی زندگی سے منسلک ہونے جا رہے ہیں۔دو روزہ اس ورکشاپ میں معاشرے کی بااثر شخصیات، سماجی کارکنا ،کاونسلر، ماہر نفسیات نے شرکت کی۔Workshop organized in Mumbai to improve marital life
مفتی اشفاق قاضی طویل مدت سے اس پر کام کر رہے ہیں۔انکا کہنا ہے کہ شادی سے قبل ہم ہر پہلو پر غور نہیں کر پاتے اور یہی سبب ہے کہ بیشتر رشتوں میں تلخیاں پیدا ہو جاتی ہیں۔اس لئے ہم نے ان تلخیوں اور مسائل کا حل نکالنے کے لئے یہ ورکشاپ منعقد کیا ۔
وحیدہ سید اسلامک اسکالر ہیں۔وحیدہ سید کہتی ہیں کہ جس طرح زمانہ بدل رہا ہے شادی کی اہمیت اسی طرح سے بدل رہی ہے،اور اس بدلتے ہوئے معاشرے میں طلاق جیسی صورت حال پیدا ہو رہی ہے اس لئے ہم اپنے بچوں کو دینی تربیت کرنے کی کوششوں میں مصروف ہیں۔اس اہمیت کو برقرار رکھنے کے لئے ہمیں علاقائی سطح پر اس طرح کے ورکشاپ منعقد کرنے کے سبب معاشرے میں ازدواجی زندگی میں پیدا ہونے والی برائیوں کو ختم کیا جاسکتا ہے۔
گلناز انور مستری کاونسلنر ہیں جو شادی سے قبل اور شادی کے بعد کونسلنگ کا کام کرتی ہیں، گلناز کہتی ہیں کہ ایسے کئی معاملات سامنے آتے ہیں جہاں شادی شدہ زندگی جہنم بن جاتی ہے،طلاق تک کی نونت آجاتی ہے، اس لئے اس طرح کے پروگرام منعقد کئے جارہے ہیں۔
اس ورکشاپ میں ایسے کئی لوگوں کی موجودگی رہی جو خواتین کے حقوق اور فلاح و بہبود کے لئے کام کرتے ہیں کیونکہ اس طرح کے ورک شاپ کے لئے ایسے لوگوں کا موجود ہونا بے حد ضروری ہے جو معاشرے میں خاص کر خواتین کی فلاح و بہبود کے لئے اپنی زندگی صرف کرتے ہیں،تاکہ خواتین پر ہونے والے مظالم اور ازدواجی زندگی میں ہونے والے مسائل کا حل نکالا جاسکے۔
مزید پڑھیں:Congratulatory Meeting In Mumbai: ممبئی میں ڈاکٹر وجاہت مرزا کی تہنیتی تقریب منعقد
