مالیگاؤں کے رکن اسمبلی مفتی محمد اسماعیل قاسمی نے پریس کانفرنس میں بتایا کہ ان کا کوئی بھی فنڈ واپس نہیں ہوا ہے، آئندہ دنوں میں شہریان کو 5 کروڑ 30 لاکھ روپے کے بجٹ سے 28 ترقیاتی و تعمیری کام زمین پر نظر آئیں گے۔ انہوں نے کہا کہ وزارت اقلیت کی جانب سے شہر کے چھوٹے بڑے قبرستانوں کے لیے تقریباً 2 کروڑ روپے کا فنڈ موصول ہوا جس کا جی آر بھی آچکا ہے اس طرح عزیز کلو اسٹیڈیم میں کھیلوں کے مختلف میدان اور لوازمات کے لیے 25 کروڑ روپے میں سے 5 کروڑ روپے کی پہلی قسط منظور ہوئی۔ بقیہ کے لیے کوشش جاری ہے۔ Fund Receive for Graveyards
ایک سوال کے جواب میں مفتی محمد اسماعیل قاسمی نے کہا کہ تلواڑہ ڈیم سے مالیگاؤں فلٹر پلانٹ کی پچاس سالہ پرانی پائپ لائن کی تبدیلی کے لیے 45 کروڑ روپے کے فنڈ کا مطالبہ کیا گیا ہے، اس کے علاوہ وزیر ماحولیات آدتیہ ٹھاکرے کی جانب سے شہر میں گارڈن کی ترئین کاری کے لیے 5 کروڑ کا فنڈ موصول ہوا ہے۔ یہ تمام معلومات مفتی اسماعیل نے پریس کانفرنس میں پیش کیں۔ Fund Receive for Graveyards
