ریاست مہاراشٹر کے ضلع اورنگ آباد میں کورونا مریضوں کی تعداد میں اضافہ ہو رہا ہے 17 ستمبر کو ضلع انتظامیہ کی رپورٹ کے مطابق ضلع میں کورونا کے 360 نئے مریض سامنے آئے ہیں۔
وہیں اورنگ آباد ضلع میں کورونا مثبت مریضوں کی تعداد میں آئے دن اضافہ ہورہا ہے۔ ضلع میں کورونا مریضوں کی تعداد اب بڑھ کر 29855 ہوگئی ہے۔
کورونا مریضوں کی بڑھتی ہوئی تعداد سے انتظامیہ تشویش میں ہے۔ ضلع میں 838 افراد کی کورونا سے موت واقع ہوئی ہے اور 22997 مریض صحتیاب ہو کر اپنے گھر جا چکے ہیں اور 6020 مریض اسپتال میں زیر علاج ہے۔
کورونا مریضوں کو اورنگ آباد ضلع کے مختلف اسپتالوں میں علاج کے لیے منتقل کیا گیا ہے اور مریضوں کی بڑھتی تعداد کو دیکھتے ہوئے پولیس انتظامیہ نے شہر میں جگہ جگہ چیک پوائنٹ لگائے ہیں تاکہ لوگ بے وجہ شہر میں نہ گھومیں۔
انتظامیہ نے عوام سے اپیل کی ہے کہ وہ اپنے گھروں میں رہے اور ضرورت کے وقت ہی گھروں سے باہر نکلے سوشل ڈیسٹنسنگ اور ماسک لگانے اور انتظامیہ کے ساتھ تعاون کرنے کی بھی اپیل کی گئی ہے۔
ضلع میں کئی جگہ ہاٹ اسپوٹ بنائے گئے ہیں۔ تو وہیں کنٹنمنٹ زون کے لوگوں کو اپنے زون سے باہر نکلنے کی اجازت نہیں دی گئی ہے جن علاقوں میں مثبت مریض پائے جا رہے ہیں ان علاقوں کو پوری طرح سیل کر دیا گیا ہے اور وہاں پر انتظامیہ کی جانب سے سینیٹازیشن کا کام جاری ہے۔
