شادی سے متعلق اصلاح معاشرہ کمیٹی کی مہم، مسلم پرسنل لا بورڈ کی 25 قراردادوں پر زور

آل انڈیا مسلم پرسنل لا بورڈ اصلاح معاشرہ کمیٹی کی جانب سے ایک موثر مہم چلائی جارہی ہے، تاکہ آئندہ وقت میں مسلم طبقہ سے شادی بیاہ کے دوران ہونے والی فضول رسومات اور جہیز سمیت دیگر خرافات کا خاتمہ ہو سکے۔

ملک بھر میں آسان و مسنون نکاح کے تعلق سے آل انڈیا مسلم پرسنل لا بورڈ اصلاح معاشرہ کمیٹی کی جانب سے ایک مؤثر مہم چلائی جارہی ہے۔

اس تعلق سے مہاراشٹر کے شہر مالیگاوں میں آل انڈیا مسلم پرسنل لا بورڈ کے سکریٹری مولانا عمرین محفوظ رحمانی نے ایک پریس کانفرنس بلائی۔

اس موقع پر مفتی حسنین محفوظ رحمانی ( مفتی، دارالقضا مالیگاؤں) اور مولانا جمال عارف ندوی نے شادی بیاہ کے تعلق سے بورڈ کی جانب سے پاس کی گئیں 25 قراردادوں پر روشنی ڈالی۔

انہوں نے کہا کہ اس مہم کا مقصد یہ ہے کہ آئندہ وقت میں مسلم طبقہ سے شادی بیاہ کے دوران ہونے والی فضول رسومات اور جہیز سمیت دیگر خرافات کا خاتمہ ہو۔