ریاست مدھیہ پردیش کے ضلع شیوپوری کے دیہات تھانہ علاقے میں ایک نوجوان نے اپنی بزرگ ماں کو پتھر پر پٹک کر قتل کر دیا۔ واقعہ کے بعد ملزم بیٹے کو گرفتار کرلیا گیا ہے۔
پولس نے بتایا کہ شیوپوری علاقے کے قاضی محلہ میں نور خان نے اپنی بوڑھی ماں ہاجرہ خان (70) کو پتھر پر پٹک کر قتل کر دیا۔ واقعہ کی اطلاع ملنے پر پولیس نے جائے واقع پر پہنچ کر کارروائی شروع کی اور ملزم کو گرفتار کرلیا گیا ہے۔
پولس کی ابتدائی جانچ میں پتہ چلا ہے کہ اس کی ذہنی حالت ٹھیک نہیں ہے جس کی وجہ سے اس نے اس واردات کو انجام دیا ہے۔ پولس اس معاملے میں ایف آئی آر درج کرکے جانچ کر رہی ہے۔
