وی ایچ پی کارکن کے قتل الزام میں چارگرفتار

مندسور میں گزشتہ نو اکتوبر کو وی ایچ پی کارکن اور پیشے سے کیبل آپریٹر یوراج سنگھ کو گولی مار کر قتل کردیا گیا تھا جس کے بعد علاقے میں کشیدگی پھیل گئی تھی۔

ریاست مدھیہ پردیش کے ضلع مند سور میں پولیس نے وشد ہندو پریشد کے کارکن کے قتل کے الزام میں چار افراد کو گرفتارکیا ہے۔

ایس پی ہتیش چودھری نے بتایا کہ' قتل کے الزام میں چار افراد کو گرفتار کیا ہے ،ان کے پاس سے غیرقانونی ہتھیار بھی برآمد کیے گئے ہیں۔

ہتیش چودھری نے مزید بتایا کہ' اس معاملے میں دیپک تنور اور اور وکی نامی شخص کلیدی ملزم ہیں۔ وکی خود بجرنگ دل کا کارکن بتایا جارہا ہے۔ اس معاملے میں کل آٹھ ملزم ہیں جن میں سے چار گرفتار کیے گئے ہیں اور بقیہ چار کی تلاش جاری ہے۔

پولیس نے اس واقعہ کی وجہ آپسی رنجش کا ہونا بتایا ہے۔