سڑک حادثے میں دو افراد ہلاک

مدھیہ پردیش کے ضلع چھتر پور میں آج دوپہر بس اور جیپ کی ٹکر میں دو افراد کی موت ہو گئی اور ایک درجن افراد زخمی ہو گئے۔

پولیس ذرائع کے مطابق ہرپال پور سے چھتر پور کی طرف جانے آ رہی پرائیوٹ بس کوکریل جنگل کے نزدیک سامنے سے آرہی جیپ سے ٹکرا گئی، ٹکر اتنی شدید تھی کہ جیپ شاہراہ سے دور کھائی میں جا گری۔

جس سے اس میں سوار ڈرائیور اور ایک دیگر شخص کی موقع پر ہی موت ہو گئی، جبکہ تقریبا ایک درجن افراد زخمی ہو گئے۔

مرنے والوں کے نام ابھی معلوم نہیں ہو سکے ہیں ۔ زخمیوں میں جیپ اور بس میں سوار افراد شامل ہیں۔ زخمیوں کو 108 اور 100 ڈائل کی مدد سے علاج کے لئے پرائمری ہیلتھ سینٹر نوگاؤں بھیجا گیا، جہاں ان کا علاج کیا جا رہا ہے۔

شدید زخمیوں کو ضلع اسپتال چھتر پور کے لئے منتقل کر دیا گیا ہے ۔ پولیس اس حادثے کی جانچ کر رہی ہے۔