گوالیار میں ریلوے حادثہ

مدھیہ پردیش کے شہر گوالیار کے برلا نگر ریلوے اسٹیشن پر آج علی الصبح بھوپال ایکسپریس کا انجن مال گاڑی کے ساتھ ٹکرا گیا۔

تاہم حادثے میں بھوپال ایکسپریس کا انجن اور مال گاڑی کے تین ڈبوں کو نقصان پہنچا ہے، اس حادثے کے سبب ریل ٹریفک متاثر ہو ئی ہے۔

شمال وسطی ریلوے کے جھانسی ڈویژن کے تعلقات عامہ افسر منوج کمار نے بتایا کہ صبح برلا نگر اسٹیشن پر ایک مال گاڑی کھڑی تھی کہ بھوپال سے حضرت نظام الدین جارہی بھوپال ایکسپریس نامی ٹرین اس سےٹکرا گئی۔
اگرچہ بھوپال ایکسپریس کے ڈرائیور کی سوجھ بوجھ کی وجہ سے بڑا حادثہ ٹل گیا۔ ڈرائیور نے وقت رہتے ٹرین کی رفتار بہت کم کر لی تھی۔