مٹی دھنسنے سے تین خواتین ہلاک

مدھیہ پردیش میں مٹی دھنسنے سے تین خواتین ہلاک جبکہ چار زخمی ہو گئی ہیں۔

ریاست مدھیہ پردیش کے سدھی ضلع کے کلکٹریٹ علاقے میں مجھولی کے گرام پنچایت ٹکری میں مٹی دھنسنے سے تین خواتین کی موت ہوگئی اور چار دیگر خواتین سنگین طور سے زخمی ہوگئیں۔

وہیں اس کے بعد انہیں ایک نجی ہسپتال میں لے جایا گیا، زخمیوں میں سے ایک خاتون کو سدھی لایا گیا ہے اور علاج جاری ہے۔

پولس نے بتایا کہ ٹکری میں واقع اس مٹی کے کان کے اردگرد گاؤں کی کئی خواتین گھر کی پوتائی کے لئے مٹی نکالنے گئی تھیں۔ اس دوران زمین دھنسنے کی وجہ سے خواتین اس کے اندر دب گئیں۔

اس کےبعد وہاں موجودہ گاؤں والوں کی مدد سے خواتین کو نکالا گیا۔ اس معاملے میں 45سالہ ارملا، 35سالہ رام بائی، 55 سالہ بٹویا کی جائے واقع پر ہی موت ہوگئی جبکہ چار خواتین سنگین طور سے زخمی ہوگئیں۔

سنگین طور سے زخمی ان خواتین کو کمیونٹی ہیلتھ سینٹر میں بھرتی کرایا گیا ہے جہاں سے ایک خاتون کو سدھی ریفر کردیا گیا ہے۔