نیمچ: کورونا کے تین نئے معاملے

ریاست مدھیہ پردیش کے ضلع نیمچ میں کورونا متاثرین کے تین نئے معاملے ملنے کے بعد ان کی تعداد بڑھ کر 441 ہوگئی ہے، اگرچہ ان میں سے 397 افراد صحت مند بھی ہوچکے ہیں۔

سرکاری ذرائع کے مطابق کل رات 39 افراد کے سیمپلوں کی جانچ رپورٹ میں تین افراد کورونا سے متاثر پائے گئے ہیں۔ ان میں دو جاود سے اور ایک شخص نیمچ کا ہے۔

ابھی تک کل 441 میں سے جاود کے 316 اور 38 افراد امید پورہ اور تارا پورا کے ہیں۔ ضلع میں کورونا سے 9 افراد کی موت ہوئی ہے۔ ابھی تک 397 افراد اس وائرس سے صحت یاب ہوچکے ہیں۔ ضلع میں فعال معاملوں کی تعداد 35 ہے۔