پولیس ذرائع نے آج بتایا کہ کل شام دھوکھیڑا گاوں واقع سونو پٹیل کے گھر کے قریب گاوں کے بچے کھیل رہے تھے۔ اسی دوران وہاں سے آرہا ایک ٹریکٹر سونو کے گھر کی کچی دیوار سے ٹکرا گیا اور دیوار گر گئی۔
دیوار کے ملبے تلے دبنے سے پرشانت دھانک (12)، سورج دھانک (12)، کرن دھانک (9) اور انوج مہرہ (7) زخمی ہوگئے۔ زخمیوں کو علاج کے لئے گاڈروارہ اسپتال پہنچایا گیا، جہاں ڈاکٹروں نے پرشانت اور سورج کو مردہ قرار دے دیا۔
انوج کا علاج گاڈروارہ کے اسپتال میں چل رہا ہے۔ شدید زخمی کرن کو بہتر علاج کے لئے نرسنگھ پورمنتقل کیا گیا، جہاں علاج کے دوران اس کی موت ہوگئی۔ جاں بحق بچوں کا پوسٹ مارٹم گاڈروارہ میں کیا جارہا ہے۔ بتایا جاتا ہے کہ یہ ٹریکٹر ملّو دھانک کا ہے۔
اس حادثے کی اطلاع پر گاڈروارہ ایم ایل اے سنیتا پٹیل اسپتال پہنچیں اور مرنے والے بچوں کے اہل خانہ سے مل کر تعزیت کا اظہارکیا۔ انہوں نے گرامینوں کو حکومت کی جانب سے مدد کی یقین دہانی کرائی ہے۔
