ریاست مدھیہ پردیش کے دارالحکومت بھوپال کی تنظیم بی بی ایم گروپ کا آج دوسرے تعارفی جلسے کا انعقاد کیا گیا- جس میں بیواؤں، طلاق شدہ اور کنوارے لڑکے لڑکیوں کے رشتے جوڑنے کی نسبت سے مسلم معاشرہ بھوپال کے کپتان شادی ہال میں جمع ہوا-
آج کے اس تعارفی جلسے میں 153 رجسٹریشن کیے گئے- وہی گزشتہ برس میں تو بی بی ایم گروپ کے تعارفی جلسے میں 250 رجسٹریشن ہوئے تھے، جس میں 45 رشتے کامیابی کے ساتھ جوڑے گئے تھے۔
بی بی ایم گروپ کی کوشش ہے کہ معاشرے میں کوئی بھی بیوہ یا طلاق شدہ گھر نہ بیٹھے, اس جلسے کے ذریعے ان کے رشتے جوڑ کر ان کی خوشحال زندگی کی دعا کی جاتی ہے ۔
وہی آج کے جلسے میں شریک لوگوں نے اس تعارفی جلسے کو وقت کی ضرورت سے تعبیر کرتے ہوئے کہا کہ 'بی بی ایم گروپ کا یہ قدم قابل ستائش ہے۔'
واضح رہے کہ بی بی ایم گروپ مسلم معاشرے کی فلاح کے لئے آئے دن کچھ نہ کچھ جلسوں کا اہتمام کرتا ہے تاکہ ان کی ضرورت اور مدد کی جا سکے۔
