بھوپال کے سرکاری اسکولوں میں ہندی زبان کو نغمہ اور اداکاری کے ذریعے نہایت آسانی سے سکھایا جا رہا ہے۔
انتظامیہ کے اس انوکھی کوشش سے طلباء و طالبات آسان اور دلچسپ طریقے سے اپنی تعلیم کے بنیادی حصے کو مضبوط کرسکتے ہیں۔
انتظامیہ نے سرکاری اسکول کی تعلیم کو بہتر کرنے اور طالب علموں میں پڑھائی لکھائی کے لیے دلچسپی پیدا کرنے کےلیے اس طرح کے پروگرام کا اہتمام کیا ہے۔
محکمہ تعلیم نے تین سطح پر پروگرام کی تشکیل کی ہے، جس میں پرائمری اور سکینڈری جماعت کے طالب علموں کے لیے 'جوائے فل لرننگ' پروگرام چلارہی ہے۔
وہیں ہائی اسکول اور ہائیر سکینڈری کے طالب علموں کے لیے سی سی ایل پروگرام تیار کیے ہیں۔
محکمہ نے اس پروگرام کے لیے ریاستی سطح پر ماسٹر ٹرینر مقرر کیے ہیں۔ محکمۂ تعلیم نے سبھی بلاک سے سی سی ایل کے تحت قریب تین ہزار ماسٹر ٹرینر تیار کیے ہیں، جن کو دو مہینے تک ٹرینگ دی گئی ہے۔
اس ٹرینگ کے بعد سارے اساتذہ بچوں کو ناچنے، گانے، اداکاری اور کھیل کے ذریعے مشکل موضوعات کو دلچسپ بناکر تعلیم دے رہے ہیں۔
سی سی ایل کے اسٹیٹ ریسورس پرسن سادھنا شرواستو نے کہا کہ اس پروگرام کے ذریعے بچے پڑھائی میں اپنی دلچسپی ظاہر کریں گے۔ساتھ ہی آسان اور مزے دار طریقے سے ملنے والے علم سے بچوں کی بنیادی تعلیم بھی مضبوط ہورہی ہے۔
