اندور: ملک بھر میں کورونا کے بعد جہاں لوگوں میں صحت کو لے کر فکر بڑھی ہے تو وہیں مریضوں کی تعداد میں بھی اضافہ دیکھنے کو ملا ہے۔ اچھی صحت کے لیے مدھیہ پردیش کے شہر اندور کی سماجی تنظیم آواز نے سیمینار منعقد کیا جس میں طبی ماہر کے ذریعہ لوگوں میں بیداری پیدا کرنے کی کوشش کی جس میں شہر کے کئی معزز لوگوں نے شرکی کی۔
ڈاکٹر محمد علی نے سیمینار کو خطاب کرتے ہوئے کہا کہ ہمیں خانے کی شروعات اللہ کے نام سے شروع کرنا چاہیے۔ اسلام میں سنت طریقے سے کھانے کی ہدایت دی گئی ہے۔ اچھی صحت کے لیے ہمیں پرسکون ہو کر کھانا چاہیئے۔ ڈاکٹر علی نے مزید کہا کہ کئی ایسے لوگ بھی ہیں جو حرام پیسوں سے حلال رزق کی تلاش کرتے ہیں حلال رزق تو مل جاتا ہے لیکن سوچنا بھی پڑے گا کہ کیا اس سے ہمیں تندرستی حاصل ہوگی۔
یہ بھی پڑھیں:kanhaiya kumar in indore: کسی انسان کا استحصال آزادی نہیں، کنہیا کمار
وہیں لبینہ پتھری کا کہنا تھا کہ ایسے اجلاس سے صحت سے متعلق مزید معلومات حاصل ہوتی ہے اور یہ معاشرے میں منعقد ہوتے رہنا چاہیے۔وہیں بلقس کا کہنا تھا کہ شوگر کی مزید معلومات سے ہمیں یقینا فوائد حاصل ہوگا۔ آواز گروپ کے شبیر حسین نے کہنا تھا کہ کارڈک اور شوگر کے مریضوں میں اضافہ ہوا ہے۔ اس سے کیسے بچا جائے اس کے لیے طبی ماہرین کو ہم نے مدعو کیا تھاتاکہ لوگوں کو فوائد حاصل ہو سکے۔
