ریاست مدھیہ پردیش میں لاک ڈاؤن کی وجہ سے لوگوں کو پریشانیوں کا سامنا کرنا پڑ رہا ہے۔ یہاں تک کہ بینکوں میں بھی تنخواہ اور پنشن آنے پر لمبی قطاریں دیکھنے کو مل رہی ہے۔
وزیر اعلی شیوراج سنگھ چوہان نے بینک کی ریاستی سطح کی مشاورتی کمیٹی کے ساتھ ایک اجلاس منعقد کیا۔ جس میں انہوں نے ہدایت دی ہے کہ بینک عوام کے گھر تک خدمات فراہم کرے۔ ساتھ ہی اے ٹی ایم میں ہر وقت رقم کی فراہمی کو بھی یقینی بنایا جائے۔'
اجلاس کے دوران شیوراج سنگھ چوہان نے کہا ہے کہ 'کورونا بحران کی وجہ سے ریاست میں لاک ڈاؤن ہے۔ بہت سی جگہوں کو سیل کردیا گیا ہے۔ ایسی صورتحال میں عوام کو نقد رقم کی فراہمی کے لئے بینک اپنے اکاؤنٹ ہولڈرز کو گھر تک خدمات فراہم کرے۔
وزیر اعلی نے کہا کہ ''کچھ لوگ ایسی افواہیں پھیلارہے ہیں کہ بینکوں میں پیسوں کی کمی ہو جائےگی۔ ایسا بالکل بھی نہیں ہے۔ آپ کا پیسہ بینکوں میں محفوظ ہے۔ آپ جب چاہیں اپنا پیسہ نکال سکتے ہیں۔'
