مدھیہ پردیش کے بہت زیادہ سرخیوں میں رہنے والے پروفیشنل ایگزامینیشن بورڈ (ویاپم) گھپلے کے پولیس کانسٹیبل بھرتی امتحان کے سلسلے میں آج یہاں مرکزی تفتیشی بیورو (سی بی آئی) کی خصوصی عدالت نے چار ملزمان کو مجرم پائے جانے پر سات سات بر س کی سزا سنائی۔
سی بی آئی کے خصوصی جج بھوپال نے ویاپم سے متعلق امور میں تین امیدواروں پشپندر سنگھ جادوں ، او کے یادو اور منوج سنگھ کشواہا، ایک مستفید شری نیواس سنگھل کو مجرم ٹھہرایا اور انہیں ویاپم سے متعلق کیس میں سات سات سال کی سخت قید کی سزا سنائی۔
سال 2015 میں سی بی آئی نے مدھیہ پردیش کی ایس ٹی ایف پولیس کی طرف سے اس کیس کی تفتیش سنبھالی۔الزام تھا کہ سنہ 2012 کے دوران ویاپ کی جانب سے پولیس سپاہی بھرتی کا امتحان منعقد کیا گیا تھا جس میں ان امیدواروں نے مبینہ طور پر نامناسب ذرائع سے انتخاب کے ذریعے پایا گیا تھا۔
یہ بھی پڑھیں: سیز فائر کے بعد لوگ پُرامن زندگی گزار رہے ہیں: لیفٹیننٹ جنرل ڈی پی پانڈے
مکمل تفتیش کے بعد ، سی بی آئی نے ملزموں کے خلاف 25 جولائی 2018 کو سی بی آئی بھوپال عدالت میں ان کے جرم میں ملوث ہونے کے الزام میں چارج شیٹ داخل کی۔ ان ملزمان میں امیدوار جنہوں نے نامناسب وسائل کے ذریعے سے پی سی آر ٹی-2012 امتحان میں منتخب ہوئے اور مستفید شامل ہے۔
یو این آئی
