نئی دہلی: مرکزی تفتیشی بیورو (سی بی آئی) نے جمعرات کے روز مدھیہ پردیش کے نیو کٹنی جنکشن میں تعینات ویسٹ سینٹرل ریلوے کے ایک سینئر ڈویژنل مکینیکل انجینئر کو شکایت کنندہ سے مبینہ طور پر رشوت لینے کے الزام میں گرفتار کر لیا۔ سی بی آئی نے ایک بیان میں کہا کہ 4 ہچ بولٹ مشینوں کی فراہمی سے متعلق شکایت کنندہ کے 25.84 لاکھ روپے کے زیر التواء بل کو کلیئر کرانے کے لیے مبینہ طور پر رشوت طلب کرنے پر سینئر ڈویژنل مکینیکل انجینئر (سامان) ایس کے سنگھ کے خلاف شکایت کی بنیاد پر مقدمہ درج کر لیا گیا۔ اس کے خلاف شکایت کنندہ کے زیر التواء بل ادا کرنے کے لیے 69,000 روپے کے بل کا تین فیصد رشوت طلب کرنے کا الزام ہے۔ جواب دہندہ نے ابتدائی طور پر 40,000 روپے رشوت اور بعد میں باقی رقم لینے پر رضامندی ظاہر کی تھی۔
سی بی آئی نے جال بچھا کر ملزم کو شکایت کنندہ سے مبینہ طور پر 40,000 روپے رشوت لیتے ہوئے رنگے ہاتھوں پکڑ لیا۔ ملزمان کے گھر کی تلاشی بھی لی گئی۔ واضح رہے کہ 6 مارچ کو مدھیہ پردیش کے ضلع سنگرولی میں لوک آیوکت پولیس نے پٹواری کو 5000 روپے رشوت لیتے ہوئے رنگے ہاتھوں گرفتار کیا تھا۔ موصولہ اطلاعات کے مطابق پٹواری ضلع کی تحصیل چترنگی میں تعینات تھا، اس وقت پٹواری کو ریسٹ ہاؤس لے جا کر کرپشن کی مختلف دفعات کے تحت مقدمہ درج کر کے پوچھ گچھ کی گئی۔ جانکاری کے مطابق شکایت کنندہ سریش کمار نے ریوا لوک آیکت دفتر کے ایس پی گوپال دھاکڑ کے پاس جاکر شکایت درج کروائی تھی۔
یہ بھی پڑھیں: B E O Caught Taking Bribe in Gaya بلاک ایجوکیشن افسر رشوت لیتے ہوئے گرفتار
یو این آئی
