پولیس ذرائع نے بتایا کہ گرام دھوریٹ میں چلنے والی ایک پرائیویٹ اسکول بس آس پاس کے گاؤں سے بچوں کو لے کر آرہی تھی۔ تبھی راستے میں بس ڈرائیور موبائل پر بات کررہاتھا ۔ اسی دوران گرام میاشی اور رجودھا کے نزدیک بس ڈرائیور کا کنٹرول بس پر نہیں رہا اور وہ نالے میں جاگری۔
اس حادثے میں 25 بچے زخمی ہوگئے۔ بس میں تقریباً 40 سے 45 بچے سوار تھے۔
ذرائع نے بتایا کہ شدید طورپر زخمی آٹھ بچوں کو علاج کےلئے ضلع اسپتال لے جایا گیا ہے جبکہ باقی زخمیوں کو علاج کے لئے پورسا کے اسپتال میں داخل کرایا گیا ہے۔
حادثے کے بعد ڈرائیور بس چھوڑ کر موقع سے فرار ہوگیا ہے۔
پولیس حادثے کی وجہ کی تحقیق کررہی ہے۔
