بھوپال: تاریخی اقبال میدان میں افطار کا اہتمام

ریاست مدھیہ پردیش کے دارالحکومت بھوپال میں نوجوان طبقہ گزشتہ دو برسوں سے تاریخی اقبال میدان میں افطاری کا انتظام کررہا ہے۔

نوجوانوں کا خاص نعرہ ہے کہ ' ساتھ ساتھ روزہ افطار'، ' نہ کوئی بڑا نہ کوئی چھوٹا'، نہ کوئی غریب نہ کوئی امیر'۔

افطار کا اہتمام کرنے والے ممتاز احمد خان نے بتایا کہ ہمارے ملک، صوبے اور ملک میں محبت عام کرنا ہمارا اصل مقصد ہے۔

انہوں نے مزید بتایا کہ جو وقت پر گھر نہیں پہنچ پاتے، جو اپنے کام اور دکانوں میں ہوتے ہیں۔ خاص ان کے لیے تاریخی اقبال میدان میں اہتمام کیا جاتا ہے۔

اس افطاری میں تقریبا 1700 تا 2000 شرکت کرتے ہیں۔جس میں سیاسی، ادبی، مذہبی اور سماجی کارکنان بھی شریک ہوتے ہیں۔