بھوپال: مدھیہ پردیش کے وزیر اعلی شیوراج سنگھ چوہان نے آج ایک سڑک کا نام ریاست کی 'لاڈلی لکشمیوں' کے نام پر رکھا ہے۔ شیوراج سنگھ چوہان نے آج 'لاڈلی لکشمی واٹیکا'کا افتتاح کیا اور کالج میں داخل ہونے والی 'لاڈلی لکشمی بیٹیوں' کے ساتھ پودا لگایا۔Ladli Laxmi Path
تقریب کے دوران مسٹر چوہان نے کہا کہ ہندوستان میں جو کچھ ہو رہا ہے، شاید پوری دنیا میں پہلی بار لاڈلی لکشمی بیٹیوں کے نام پر ایک واٹیکا بنایا گیا ہے، جہاں درخت لگائے جائیں گے۔ بیٹیوں نے کئی جگہ درخت لگائے ہیں۔
انہوں نے کہا کہ تمام 52 اضلاع میں ایسا ہوا ہے۔ بعد ازاں ان واٹیکوں کو بھی اضلاع کے تحت لیا جائے گا۔
انہوں نے کہاکہ 'سڑکوں کے نام عظیم لوگوں اور عظیم آدمیوں کے نام پر رکھنے کی روایت تھی۔ تو میں نے کہا کہ میری پیاری لکشمی بیٹیاں بڑی ہو کر ریاست اور ملک کا مستقبل بنائیں گی، بہت آگے جائیں گی۔ اس لیے ایک سڑک کا نام لاڈلی لکشمی روڈ رکھا جائے۔
انہوں نے مقامی بھارت ماتا چوراہے سے پولی ٹیکنک چوراہے تک کی سڑک کو لاڈلی لکشمی روڈ کا نام دیا۔انہوں نے کہا کہ بیٹیوں کے نام پر راستے کا نام شاید دنیا میں پہلی بار رکھا جارہا ہے۔ بیٹیوں کی عزت سے بڑھ کر کوئی عزت نہیں۔
یواین آئی
