بس پلٹنے سے ایک مسافر ہلاک، متعدد زخمی

ریاست مدھیہ پردیش کے ضلع پنا ہیڈ کوارٹر سے تقریباً آٹھ کلومیٹر دور ستنا روڈ پر موہن گڑھ کے پاس بس پلٹنے سے ایک مسافر ہلاک جبکہ 20 افراد زخمی ہوگئے۔

پولیس ذرائع کے مطابق چھترپور سے ستنا جانے والی نجی بس صبح 11 بجے موہن گڑھ کے پاس موڑ پر بے قابو ہو کر پلٹ گئی، جس سے چھترپور کے رہنے والے رام کشواہا کی موت ہوگئی۔

موقع پر پہنچی پولیس اور عوام نے زخمیوں کو بس سے باہر نکالا۔ زخمیوں کو ڈائل 100 اور پولیس کی مدد سے ضلع ہسپتال میں داخل کرایا گیا۔

زخمیوں میں مرد، خواتین اور بچے بھی شامل ہیں۔ ہسپتال کے ڈاکٹرز نے ایک مسافر کی حالت نازک بتائی ہے۔

اس معاملے میں پولیس نے معاملہ درج کرکے جانچ شروع کر دی ہے۔