مدھیہ پردیش: ٹرک حادثہ، ڈرائیور کی موت

ریاست مدھیہ پردیش کے ضلع ساگر کے باندری تھانہ علاقے میں ایک ٹرک بے قابو ہو کر حادثے کا شکار ہوگئی جس میں ڈرائیور کی موت ہوگئی جب کہ ہیلپر زخمی ہوگیا۔

پولیس ذرائع کے مطابق پالی سے ساگونی شاہراہ پر گزشتہ شب پیش آئے ایک حادثے میں ٹرک ڈرائیور میگھراج یادو کی موت ہو گئی اور اس کا ہیلپر زخمی ہوگیا۔ زخمی کو اسپتال میں داخل کرایا گیا ہے۔

ذرائع کا کہنا ہے کہ پالی ساگونی شاہراہ پر تیز رفتار ٹرک کے بے قابو ہو کر پلیا کے پاس پلٹنے سے یہ حادثہ پیش آیا۔