بھوپال: پب جی گیم کے شوقین طالب علم کی خودکشی

مدھیہ پردیش کے بھوپال میں آئی ٹی آئی کے طالب علم نے پھانسی لگا کر خودکشی کرلی۔ پب جی گیم کھیلتے ہوئے اس کا نیٹ پیک ختم ہو گیا تھا، جس کے بعد اس نے ایک ماہ کے بجائے تین ماہ کا ریچارج کرانے کی بات پر والدہ سے جھگڑا کیا اور کمرے میں جا کر پھانسی لگالی۔

ریاست مدھیہ پردیش کے دارالحکومت بھوپال میں پب جی گیم کے شوقین ایک طالب علم نے پھانسی لگا کر خودکشی کرلی۔ بتایا جا رہا ہے کہ پب جی گیم کھیلتے ہوئے انٹرنیٹ پیک ختم ہوگیا، جس کے بعد اس نے اپنی والدہ سے انٹرنیٹ پیک دوبارہ سے ریچارج کرانے کے لیے رقم طلب کی۔ اس کی والدہ نے کہا کہ رقم نہیں ہے، بعد میں ریچارج کرا لینا، جس کے بعد نوجوان نے خودکشی کرلی۔

پولیس کے مطابق نوجوان نے نیٹ پیک ختم ہونے پر اپنی والدہ سے تین ماہ کے لیے نیٹ پیک کرانے کی بات کہی، جب اس کی ماں نے ایک ماہ کا نیٹ پیک کرانے کو کہا تو نوجوان نے اپنی ماں سے جھگڑا کیا اور کمرے میں جاکر پھانسی لگالی۔ بتایا جا رہا ہے کہ طالب علم رات کے 2 بجے تک پب جی گیم کھیلتا تھا۔ پولیس نے مقدمہ درج کرکے تفتیش شروع کر دی ہے۔