کیٹلینا چینل پار کرنے والے ستیندر بھارت لوٹے

کیٹلینا چینل کو پار کرنے والے پہلے بھارتی تیراک ستیندر سنگھ بھارت واپس آگئے ہیں۔ ای ٹی وی بھارت نے ستیندر سنگھ سے خصوصی بات چیت کی۔

ریاست مدھیہ پردیش کے ضلع گوالیار سے تعلق رکھنے والے ستیندر سنگھ بھارت واپس آگئے ہیں۔
انہوں نے ای ٹی وی بھارت کو بتایا کہ 'یہ ان کے لیے ایک خواب سے کم نہیں ہے۔ انگلش چینل کو پار کرنے کی کامیابی کے بعد کیٹلینا چینل کے لیے وہ مسلسل محنت کر رہے تھے اور ان کی محنت کامیاب رہی۔'

انہوں نے مزید بتایا کہ 'ان کا خواب ہے کہ وہ دنیا کی سب سے بڑے چینلوں کو بھی پار کر سکے اور اس کے لیے وہ محنت کر رہے ہیں۔'ستیندر نے اپنے کیٹلینا چینل کے کامیاب سفر کے بارے میں بتایا کہ ' انگلش چینل کے مقابلہ کو سر کرنا مشکل ہے کیونکہ اس میں شارک جیسی خطرناک مچھلیاں ہیں جس کی وجہ سے اس میں تیرنا بھی خطرناک ہوتا ہے۔'انہوں نے کہا کہ 'اگر حکومت پیرا سویمرز کی مدد کرے تو ملک میں موجود ہونہار پیرا سویمرز ملک کا نام روشن کرسکتے ہیں۔'