شیوراج سنگھ چوہان نے آج اعلان کیا کہ مدھیہ پردیش میں لاک ڈاون نافذ کرنے کا کوئی ارادہ نہیں ہے۔ انہوں نے لاک ڈاون سے متعلق تمام افواہوں کی تردید کردی۔
ریاست میں کورونا متاثرین کے اضافہ کو دیکھتے ہوئے ایسی افواہ تھی کہ مدھیہ پردیش میں دوبارہ لاک ڈاون کا اعلان ہوسکتا ہے اور حکومت اس پر غور کر رہی ہیں۔ آج شیوراج سنگھ چوہان نے ان تمام قیاس آرائیوں کو ختم کردیا۔
مدھیہ پردیش میں کورونا کیسز میں بے تحاشہ اضافہ کے بعد 21 نومبر سے اندور، بھوپال، گوالیار، وڈیشہ اور راٹلام اضلاع میں رات 10 بجے سے صبح 6 بجے تک کرفیو نافذ کیا جائے گا۔ ریاستی حکومت کے مطابق کورونا کے پھیلاؤ کو روکنے کےلیے مزید اقدامات کئے جائیں گے۔
ریاست میں اب تک ایک لاکھ 88 ہزار 18 کورونا کیسز رپورٹ ہوئے ہیں جن میں سے ایک لاکھ 75 ہزار 89 افراد صحتیاب ہوچکے ہیں۔ مہلک وبا کے سبب اب تک 3 ہزار 129 اموات ہوچکی ہیں۔
