مشاعرے کے دوران دو ادبی شخصیات کو ان کی ادبی خدمات کے اعتراف میں اعزاز سے بھی نوازا گیا۔
بھوپال میں مشاعرہ
یہ مشاعرہ بھوپال کے سرائے جمعراتی میں منعقد کیا گیا، جس میں امریکہ سے تشریف لائے ممتاز ادیب و شاعر پروفیسر ظاہر محمود اور مغربی بنگال اردو اکیڈمی کی سابق چیئرمین محترمہ شہناز نبی کا انجمن کے سرپرست اور ریاست مدھیہ پردیش کے وزیر اقلیتی بہبود سید عارف عقیل نے شال اور سپاسنامہ پیش کرکے عزت افزائی کی۔
تقریب میں خاصی تعداد میں شائقین ادب و مقامی ادب نواز باشندگان کثیر تعداد میں موجود رہے۔ شاعروں نے اپنے دلکش کلام سے سماں باندھا جس سے لوگ کافی محظوظ ہوئے۔
انجمن کہکشان ادب کے سکریٹری مصداق جعفری نے بتایا کہ یہ مشاعرہ انتہائی کامیاب رہا اور انجمن کا مقصد ہی اردو زبان و ادب کو فروغ دینا ہے نیز معاشرے میں اردو کی خوشبو پھیلانی ہے'۔
