جبل پور۔ ریاست مدھیہ پردیش کے ضلع جبل پور کے گڈھا تھانہ علاقے میں رہنے والی خوشبو ٹھاکر کی شادی سیونی ضلع کے لکھناڈون میں ہوئی تھی، لیکن اپنے شوہر سے طلاق کے بعد خوشبو واپس اپنے میکے آگئی تھی۔
مسلم نوجوان پر الزام: کچھ دنوں کے بعد طلاق یافتہ خوشبو ٹھاکر کو ایک مسلم نوجوان بنتو خان سے محبت ہو گئی۔ مسلم نوجوان پر الزام ہے کہ اس نے لڑکی کو شادی کا جھانسہ دیا اور اسے اپنی محبت میں پھنسا کر اس کے ساتھ لیو ان ریلیشن شپ میں رہنے لگا۔ لڑکی کے ساتھ 3 سال تک کرائے کے مکان میں رہنے کے بعد جب لڑکی نے شادی کے لیے دباؤ ڈالا تو بنتو نے اس پر جان لیوا حملہ کردیا۔
خوشبو ٹھاکر نامی لڑکی نے اپنے شوہر سے طلاق لے لی۔ طلاق کے بعد خوشبو اکیلی رہ رہی تھی۔ اس دوران اس کی ملاقات بنتو خان نامی نوجوان سے ہوئی۔ بنتو خان کو معلوم ہوا کہ خوشبو کو اس کے شوہر سے طلاق ہو چکی ہے، اس کے بعد بنتو خان خوشبو کے ساتھ کرائے کا مکان لے کر لیو ان میں رہنے لگا۔ اس دوران بنتو خان نے کئی گھر بھی بدلے۔
مزید پڑھیں:Alleged Love Jihad In Bareilly بریلی میں مبینہ لو جہاد کا ایک اور معاملہ، ایف آئی آر درج
سر پر شدید چوٹ لگنے سے خاتون کی موت: بنتو خان پر یہ الزام ہے کہ اس نے 27 مئی نے خوشبو کو اس قدر مارا کہ اس کے سر پر شدید چوٹیں آئیں۔ اس کے بعد بنتو خان خوشبو کو تشویشناک حالت میں چھوڑ کر بھاگ گیا۔ لیکن جب گھر کا دروازہ نہ کھلا تو خوشبو کے مالک مکان نے جا کر دیکھا۔ خوشبو نازک حالت میں زمین پر پڑی تھی۔ اس کے بعد خوشبو کو علاج کے لیے میڈیکل اسپتال میں داخل کرایا گیا، جہاں علاج کے دوران خوشبو کی موت ہوگئی۔ میڈیکل ہسپتال سے اطلاع ملنے پر پہنچی پولیس کا کہنا ہے کہ خوشبو کی موت سر پر چوٹ لگنے سے ہوئی۔ پولیس نے بنتو خان کے خلاف قتل کا مقدمہ درج کر کے اسے گرفتار کر لیا ہے۔
