بھوپال: مرکزی جمعیت علماء ہند نے ملک گیر سطح پر 10 لاکھ پیڑ پودھے لگانے کی مہم کا آغاز کر دیا ہے۔ یہ مہم یوم ماحولیات کے موقع پر شروع کی گئی ہے۔ اس کے تحت ریاست مدھیہ پردیش جمعیت علماء ہند اور سرو دھرم سدبھاونا منچ نے اس مہم کو آگے بڑھاتے ہوئے آج سے شجرکاری مہم اور پودھے تقسیم کرنے کا آغاز کیا ہے۔ Jamiat Launches Plantation Drive in Madhya Pradesh
ان تنظیموں کے ذریعے صوبائی سطح پر 5 ہزار پیڑ پودھے تقسیم کیے جائیں گے۔ اس موقع پر سرو دھرم سدبھاونا منچ کے ذمہ دار مانگی لال سونی اور حاجی محمد عمران نے کہا کہ آج تنظیم کی جانب سے پیڑ پودھے بھوپال کے تاریخی اقبال میدان پر تقسیم کیے جا رہے ہیں اور لوگوں میں بیداری پیدا کی جارہی ہے کہ ماحولیات کو جس طرح کا نقصان آج کے دور میں پہنچا ہے، اس کی بھرپائی پیڑ پودھے لگا کر ہی کی جا سکتی ہے۔
حاجی محمد عمران نے کہا کہ بھوپال کے مختلف علاقوں میں جمیت اور سرو دھرم سدبھاونا منچ کے ممبران نے پودھے تقسیم کیے ہیں۔ انہوں نے کہا کہ جب تک ہم پیڑ پودھے نہیں لگائیں گے اور اس کے لیے لوگوں کو بیدار نہیں کریں گے، تب تک ماحولیات کو نہیں بچایا جا سکتا ہے۔ ہم پیر پودھے لگائیں گے تب ہی ہمارا مستقبل سنورے گا۔
Tree Plantation in Muslim Institutions: عالمی یوم ماحولیات پر اقلیتی اداروں میں شجرکاری
