کستوربا گاندھی بالیکا ہاسٹل میں طالبات کی طبیعت خراب ہونے کے بعد فوار انھیں ضلع اسپتال میں داخل کرایا گیا ہے۔
طالبات کی طبیعت خراب ہونے کی خبر ملتے ہی کلکٹر شری کانت بنوٹھ ضلع اسپتال پہنچے اور طالبات کی صحت کی جانکاری ڈاکٹر سے لی۔ ساتھ ہی ڈاکٹروں کی ایک ٹیم کو معائنہ کے لیے گرلز ہاسٹل بھیجا گیا ہے۔
اطلاع کے مطابق گاؤں دھاروارا کے 200 طالبات والے کستورباگاندھی بالیکا ہاسٹل میں 100 سے زیادہ طالبات کو اچانک پیٹ میں درد کے ساتھ الٹی ہونے لگی۔
بتایا جارہا ہے کہ گرلز ہاسٹل کے آس پاس زرعی زمین ہے، جہاں کسانوں نے کیڑا مار دوا کا چھڑکاؤ کیا تھا۔ دوا کے چھڑکاؤ کے اثرات کی وجہ سے گرلز ہاسٹل کی طالبات کی طبیعت خراب ہونے لگی۔ جس کے بعد سبھی کو ضلع اسپتال میں داخل کرایا گیا تھا۔
کلکٹر شری کانت بنوٹھ نے بتایا کہ سبھی طالبات کی حالت ٹھیک ہے، ہاسٹل کے آس پاس زرعی زمین پر کیڑا مار دوا کے چھڑکاؤ سے طالبات کی طبیعت خراب ہوئی ہے۔ وہیں انہو ں نے اس معاملے میں ٹیم بناکر جانچ کرکے کارروائی کرنے کی بات کہی ہے۔
