مدھیہ پردیش میں ضلع ودیشہ کے گنج بسودہ کے نواح میں شام کے وقت کم از کم دو درجن افراد کنویں میں گر گئے، جن میں سے ایک درجن سے زائد افراد کو رات گئے تک نکال لیا گیا۔
غیر مصدقہ ذرائع کے مطابق کنواں میں تقریبا 40 لوگ گر چکے ہیں، حالانکہ انتظامیہ کی جانب سے اس کی تصدیق نہیں کی گئی ہے۔
پولس ذرائع نے ابتدائی معلومات کے حوالے سے بتایا ہے کہ کنویں میں گرنے والے ایک بچے کو بچانے کی کوشش میں کم از کم 24 افراد جو اس کے آس پاس جمع ہوئے تھے کیچڑ نیچے گرنے کی وجہ سے وہ کنواں میں گر گئے۔ بتایا گیا ہے کہ کنواں بہت پرانا ہے اور یہ پانی سے بھرا ہوا ہے۔
اندھیرے کی وجہ سے راحت رسانی کے کاموں میں مشکلات کا سامنا کرنا پڑ رہا ہے۔ تاہم انتظامیہ نے لائٹس اور جے سی بی مشینوں وغیرہ کی مدد سے امدادی کاموں کا آغاز کردیا ہے۔ رات دس بجے تک، گنج باسودہ کے ایک درجن سے زائد افراد کو اسپتال منتقل کیا گیا ہے۔
یہ بھی پڑھیں: مدھیہ پردیش میں اسکول کھولنے کا اعلان
وزیر اعلی شیوراج سنگھ چوہان آج ودیشہ میں تھے اور وہ اس واقعے سے متعلق مسلسل معلومات لے رہے ہیں۔
انہوں نے فوری طور پر وزیر انچارج وشواس سارنگی کو بھی موقع پر روانہ کیا اور چیف سیکرٹری اور پولس کے ڈائریکٹر جنرل سے تبادلہ خیال کیا۔
یو این آئی
