ریاست مدھیہ پردیش کے شہر اندور میں مسلم سماج ہر سال سکھ سماج کے نکلنے والے جلوس کا اسٹیج سے استقبال کرتے ہیں مگر اس سال انتظامیہ نے اسٹیج لگانے کی اجازت نہیں دی جس پر مسلم سماج کے کچھ افراد گرودوارہ پہنچ کر سکھ سماج کا استقبال کیا۔
دراصل مسلم سماج ہر سال اندور شہر میں سکھ سماج کے گرونانک دیو کے پرکاش پرو کے موقع پر نکلنے والے جلوس کا استقبال کرتے ہیں۔ انتظامیہ نے اس بار اسٹیج کی اجازت نہیں دی جس پر مسلمانوں نے گرودوارہ پہنچ کر گل پوشی کی۔
اس دوران دونوں سماج نے انسانیت اور بھائی چارے کے تحفظ کے لئے ہر ممکن کوشش کرنے بات کہی۔
سماجی کارکن شفیق شیخ نے کہا کہ ہم ہر سال نگر کردن کا استقبال اسٹیج سے کرتے ہیں مگر اس بار انتظامیہ نے اس کی اجازت نہیں دی تو ہم گرودوارا پہنچے ہیں۔ سکھ سماج ہمیشہ سے ہی انسانیت کے تحفظ کے لئے آواز بلند کرتا رہا ہے۔
وہیں گرو گووند سبھا کے سیکرٹری جسبیر سنگھ گاندھی نے کہا کہ آج مسلم سماج کے لوگ گرودوا پہنچے ہیں۔ استقبال کے بعد تبادلہ خیال کیا گیا اور سبھی نے انسانیت اور بھائی چارے کی بات کہی۔
یہ بھی پڑھیں: صدر کووند نے گرونانک دیو کے یوم پیدائش پر اہل وطن کو مبارکباد دی
اس موقع پر صحافی جاوید عالم نے کہا کہ ہم لوگ گرودوارہ میں امن، محبت اور بھائی چارے کا پیغام لے کر پہنچے ہیں اور ہم ملک توڑنے والے کسی بھی شرپسند کا ساتھ نہیں دیں گے بلکہ محبت کے پیغام کو عام کریں گے۔
