مدھیہ پردیش: کار پلٹنے سے دو کی موت، ایک زخمی

مدھیہ پردیش کے شیوپوری ضلع ہیڈکوارٹر کے بیرونی علاقے میں آج کار پلٹنے کی وجہ سے اس میں سوار دو لوگوں کی موت ہوگئی اور ایک دیگر زخمی ہوگیا۔

پولیس ذرائع کے مطابق دیہات تھانہ علاقے کے کربلا علاقے میں ہوئے حادثے میں اٹھارہ سالہ ساکیت جھا اور بیس سالہ سنجے کشواہا کی موت واقع ہوگئی۔ اس کے علاوہ پندرہ سالہ پرنو مشرا زخمی ہوا ہے۔

ابتدائی اطلاع میں پتہ چلا ہے کہ یہ تینوں افراد یہاں کار چلانا سیکھ رہے تھے، تب ہی کارپلٹ گئی۔ فی الحال پولیس معاملے کی جانچ کررہی ہے۔