باپ بیٹے کو گولی ماری، بیٹے کی موت

مدھیہ پردیش کے ہرپال پور میں ایک زرعی توسیع افسر نے آپسی دشمنی کے سبب باپ بیٹے کو گولی مار دی جس سے بیٹے کی موت ہوگئی، جبکہ والد بری طرح سے زخمی ہوگیا۔ جسے سنگین حالت میں ضلع اسپتال میں داخل کرایا گیا ہے۔

پولیس ذرائع کے مطابق کل رات ہرپال پور تھانہ علاقہ کی راجا کالونی ہرپال پور میں زرعی توسیع افسر راکیش نرنجن نے اپنے کسی ساتھی کے ساتھ مل کر دھرمیندر سین اور ا سکے والد مول چند سین کو گولی مار دی، جس میں دھرمیندر کی موت ہوگئی جبکہ اس کے والد بری طرح زخمی ہوگئے، جنہیں پرائمری ہیلتھ سینٹر نوگاؤں لایا گیا جہاں سے حالت سنگین ہونے پر انہیں ضلع اسپتال ریفرکردیا گیا۔

آپسی دشمنی میں باپ بیٹے کو گولی ماری، بیٹے کی موت

پولیس نے بتایا کہ کچھ دن پہلے راکیش نرنجن کے ذریعہ دھرمیندر کے کنبہ کے ساتھ چھیڑ خانی کرنے کا معاملہ سامنے آیا تھا، جس میں ملزم پر معاملہ درج کرکے اسے جیل بھیج دیا گیا تھا۔ ذرائع نے بتایا کہ ملزم راکیش نرنجن کا رات میں سین کنبہ سے پھر تنازعہ ہواور ملزم نے اپنی لائسنسی ریوالور سے گولی چلا دی جس میں دھرمیندر کی موت ہوگئی جبکہ اس کے والد زخمی ہوگئے۔پولیس نے ملزم کے خلاف معاملہ درج کرکے تفتیش شروع کردی ہے۔