ریاست مدھیہ پردیش کے دارالحکومت بھوپال میں موجودہ ریاستی حج کمیٹی Madhya Pradesh Haj Committee نے حج 2022 کے لئے اپنی کمر کس لی ہے.hajj 2022 preparation in madhya pradesh۔ ریاستی حج کمیٹی کو اب صرف حج کمیٹی آف انڈیا کے گائیڈلائن کا انتظار ہے، تاکہ گائیڈلائن کے مطابق عازمین کو حج کے لیے بھیجا جاسکے۔
اس تعلق سےمدھیہ پردیش حج کمیٹی کے سی ای او یاسر عرفات نے بتایا کہ لوگوں پر کورونا وبا کے اثرات واضح طور پر نظر آرہے ہیں۔ مدھیہ پردیش میں جہاں اس وقت 4 سے 5 ہزار حج کے فارم جمع ہوتے تھے وہاں اس وقت صرف 750 فارم ہی جمع ہوپائے ہیں۔ ریاستی حج کمیٹی نے بھوپال کے حج ہاؤس کے ساتھ شہر کے دیگر مقامات پر بھی لوگوں کے لیے فارم جمع کرنے کی سہولیات مہیا کروائی ہے تاکہ لوگوں کو پریشانی نہ ہو اور انہیں ادھر ادھر بھٹک نہ پڑے۔
مدھیہ پردیش حکومت کی جانب سے جاری کردہ گائیڈ لائن کے مطابق ریاستی حج کمیٹی اپنے کاموں کو بخوبی انجام دے رہی ہے اور اب حج کمیٹی کو حج کمیٹی آف انڈیا کے حتمی گائیڈلائن کا انتظار ہے تاکہ حج 2022 کے لیے عازمین کو بآسانی حج پر بھیجا جاسکے۔
مزید پڑھیں: Hajj 2022: حج 2022 ڈیجٹل ہوگا، اب تک 20 ہزار درخواستیں موصول
وہیں اطلاع کے مطابق اس بار حکومت ہند کی جانب سے حج کے اخراجات میں اضافہ ہونے کی بات سامنے آئی ہے۔ لیکن دیکھنا یہ ہے کہ حکومت کی آئندہ گائیڈلائن کیا ہوگئی۔ وہیں اس بار امبارکیشن پوائنٹس بھی طے نہیں ہیں کہ عازمین بھوپال سے جائیں گے یا کسی اور امبارکیشن پوائنٹ سے ان کی روانگی عمل میں آئے گی۔
