ریاست مدھیہ پردیش کے دارالحکومت بھوپال میں جمیعت علماء مدھیہ پردیش کے زیراہتمام امن ایکتا سمیلن کا انعقاد کیا گیا، جس میں مختلف مذاہب کے رہنماؤں نے شرکت کر کے گنگا جمنی تہذیب کی مثال پیش کی۔
اس جلسے میں تشریف جمعیت علماء ہند کے جنرل سکریٹری مولانا محمود مدنی نے ملک کی موجودہ صورتحال پر بات کرتے ہوئے مسلمانوں پر تعلیم حاصل کرنے کی تلقین کی۔
انہوں نے کہا کہ بھارت کا مسلمان دیگر ممالک کی بہ نسبت بہتر اس ملک میں زیادہ محفوظ ہے۔
انہوں نے کہا کہ مسلمانوں کو تعلیم پر خاص طور سے توجہ دینے کی ضرورت ہے۔
مولانا موصوف نے ہجومی تشدد کے واقعات کو افسوسناک قرار دیتے ہوئے اس کے خلاف سخت قانون بنانے کا مطالبہ کیا۔
جمیعت علماء مدھیہ پردیش کے صدر حاجی ہارون نے کہا کی جمیعت علماء پہلے دہشت گردی کے خلاف جم کر آواز بلند کی اور اب ملک میں امن وایکتا کے لیے کام کر رہی ہے۔
انہوں نے ہجومی تشدد کے خلاف ریاستی اور مرکزی حکومت سے سخت قانون بنانے کا مطالبہ کیا۔
