ریاست مدھیہ پردیش کو حج 2020 کے مقدس سفر کے لیے امسال حج کمیٹی آف انڈیا کی جانب سے 4864 سیٹوں کا کوٹا مختص کیا گیا ہے، گزشتہ برس کے مقابلے رواں برس 224 سیٹیں زیادہ مختص کی گئی ہیں۔
واضح رہے کہ سفر حج پر جانے کے لیے پورے صوبے سے 12601 عازمین حج نے درخواست دی تھیں جن کا کمپیوٹرائز حج قرعہ آج دوپہر کو مسجد تاج المساجد میں نکالا گیا۔
حج 2020 کی قرعہ اندازی میں ریاست کو ملی زائد سیٹیں
قرعہ اندازی کے اس پروگرام میں ریاستی وزیر برائے اقلیتی فلاح بہبود عارف عقیل، علمائے دین اور مدھیہ پردیش حج کمیٹی کے سی ای او اور کمیٹی ممبران موجود رہے۔
ریاستی حج کمیٹی کے ذریعے بتایا گیا کی ریاست کو مختص کی گئی 4864 سیٹوں میں سے 664 سیٹں 70 سال سے زیادہ عمر والے لوگوں کے لیے مختص ہیں۔
اس کے علاوہ دیگر مختص زمرے کے 43 سیٹیں اور جنرل زمرے کے لیے 4145 سیٹوں کو قرعہ اندازی کے ذریعے نکالا جائے گا۔
