ریاست مدھیہ پردیش میں آل انڈیا رابطہ کمیٹی کے صدر یونس فرحت نے ای ٹی وی بھارت سے خصوصی بات چیت کرتے ہوئے کہا ہے کہ اردو صرف مسلمانوں کی زبان ہی نہیں بلکہ یہ پورے ہندوستان کی زبان ہے۔
انہوں نے کہا 'جب سے مدھیہ پردیش میں بھارتیہ جنتا پارٹی کی حکومت اقتدار میں آئی ہے تب سے اردو زبان اور اردو اکیڈمی کو فراموش کیا جا رہا ہے۔ اکیڈمی میں اردو زبان کے فروغ کے لئے کسی بھی طرح کے اقدام نہیں اٹھائے جارہے ہیں'۔
انہوں نے کہا 'اردو اکیڈمی میں کانگریس حکومت کے دوران لیے گئے فیصلوں کو رد کردیا گیا ہے۔ ساتھ ہی شاعروں کو اعزاز ودیگر تقریبات کو رد کیا جارہا ہے اور شاعروں کو دیے جانے چیکس بھی رد کیے جارہے ہیں'۔
انہوں نے کہا 'اردو اکیڈمی میں غلط افسران کی تقرری کر دی گئی ہیں جو صحیح فیصلے نہیں لے پا رہے ہیں۔ ساتھ ہی اردو اکیڈمی کے درجہ کو ختم کرنے کی کوشش کی جا رہی ہے'۔
یہ بھی پڑھیے
'پائلٹ نے حکومت گرانے کی کوشش کی'
انہوں نے کہا 'اردو اکیڈمی کو اب حکومت کی جانب سے ساہتیہ پریشد میں زم کرنے کی کوشش کی جا رہی ہے جس سے اردو زبان اور اردو والوں کو بہت نقصان ہوگا'۔
