ریاست مدھیہ پردیش میں پیر کو دیر شام وزیر اعلی کمل ناتھ نے سبھی کابینی وزرا کی میٹنگ بلائی تھی، اس میٹنگ میں 20 کابینی وزرا شامل ہوئے، اس دوران سبھی وزرا نے وزیر اعلی کو استعفیٰ سونپا، جس کے بعد وزیر اعلی کمل ناتھ نے ان سبھی وزرا کا استعفیٰ قبول کیا۔
امکان ہے کہ اب کمل ناتھ اپنی کابینہ کو دوبارہ تشکیل دیں گے، وہیں وزرا نے بھی ان سے "ریاست میں کانگریس کی زیر قیادت حکومت گرانے کی بی جے پی کی کوششوں کو ناکام بنانے کے لئے" کابینہ کو دوبارہ تشکیل دینے پر زور دیا ہے۔
کابینی وزیر پی سی شرما نے کہا 'سبھی وزرا اجلاس میں شامل تھے، ہم نے وزیر اعلی سے کابینہ کو دوبارہ تشکیل دینے کی درخواست کی ہے۔ تاکہ بی جی پی کی جانب سے حکومت گرانے کی کوششوں کو ناکام بنایا جاسکے'۔
'۔انہوں نے مزید کہا 'مجھے امید ہے کہ ہماری حکومت اپنے پانچ سال مکمل کرے گی
یہ بھی پڑھیے
کھیلو انڈیا: گلمرگ میں کھلاڑیوں اور سیاحوں کی گہما گہمی
کووڈ-19 : چھبیس بھارتی عمرہ زائرین سعودی عرب میں پھنس گئے
افغانستان میں دو صدور نے حلف اٹھایا!
کانگریس رہنما سجن سنگھ ورما نے کہا '20 کابینی وزرا نے اپنا استعفیٰ سونپا ہے، ہم نے بی جے پی کے ذریعے حکومت گرانے کی ناکام کوششوں کو ناکام کیا ہے اور جس طرح فلور ٹیسٹ کے دوران بی جے پی کو ذلت کا سامنا کرنا پڑا تھا، ایسے ہی اب بھی بی جے پی کو ذلت ہی ہاتھ آئے گی'۔
وہیں مدھیہ پردیش میں اس سارے سیاسی بحران کے بارے میں راجستھان کے نائب وزیر اعلی سچن پائلٹ نے ٹویٹ میں کہا 'مجھے امید ہے کہ ریاست میں یہ سیاسی بحران جلد ختم ہو جائے گا اور ریاست کو اچھی مستحکم حکومت کی ضرورت ہے جو عوام کے وعدوں کو پورا کر سکے'۔
