ریاست مدھیہ پردیش کے صنعتی شہر اندور میں معروف شاعر مشرقی ڈاکٹر علامہ اقبال کی 144ویں یوم پیدائش پر طیبہ کالج میں یوم اردو منایا گیا۔ عالمی شہرت یافتہ شاعر مشرق علامہ اقبال کے یوم پیدائش کی مناسبت سے یوم اردو منایا جاتا ہے۔ 9 نومبر کو علامہ اقبال کا یوم پیدائش کا دن ہے۔
اندور میں عالمی یوم اردو منایا گیا
بیسویں صدی کے شاعر مشرق ڈاکٹر سر علامہ محمد اقبال ایک مشہور و معروف شاعر کے ساتھ ہی مصنف اور قانون دان بھی تھے۔
ان کے یوم پیدائش کے موقع پر طیبہ کالج میں یوم اردو منایا گیا ساتھ ہی کالج کے طلباء نے علامہ اقبال کے کلام بھی پیش کیے۔
- یہ بھی پڑھیں: نئی دہلی : میں اردو کا مسافر ہوں یہی پہچان ہے میری
طیبہ کالج کے مدرس ظہور مصباحی نے بتایا کہ 'یوم اردو کا جلسہ کامیاب رہا، ہم کالج کے بچوں کو اردو سے جوڑنے کی ہر ممکن کوشش کرتے ہیں ساتھ ہی دیگر زبانوں سے بھی واقف کراتے ہیں جو آنے والے مستقبل میں ان کے کام آسکے۔'
