مدھیہ پردیش کا ممبئی کہلانے والا اندور شہر میں ربیع الاول کا چاند نظر آتے ہیں یکم ربیع الاول سے 12 ربیع الاول تک جشن عید میلادُالنبیﷺ کا انعقاد کیا جاتا ہے جس میں نعتیہ محفلیں منعقد کی جاتی ہیں۔ امسال بھی یہ محفلیں منعقد کی جا رہی ہیں لیکن اس میں بھی کورونا وائرس کا اثر دکھائی دے رہا ہے۔
اندور میں نبی کریم حضرت محمدﷺ کے نام سے منسوب ایک عمارت تعمیر کروائی گئی ہے تاکہ جشن عید میلادُالنبی میں کوئی دشواری نہ ہو۔
اندور شہر میں یہ جشن انہائی تزک و اہتشام کے ساتھ منایا جاتا ہے اور ربیع الاول کا چاند نظر آتے ہی ملک کے نامور دانشور دینی اور دنیاوی تعلیم کا درس دیتے ہیں تو وہیں نعتیہ مشاعرہ اور نعت خوانی کی محفل منعقد کی جاتی ہے جس میں مدارس کے ساتھ ساتھ علاقے کے لوگ بڑے ذوق اور شوق سے شرکت کرتے ہیں۔
حالیہ کورونا وبا سے جشن عید میلادُالنبیﷺ متاثر تو ہوا ہے لیکن منتظمین نے اپنی روایت کو برقرار رکھا ہے۔
