مدھیہ پردیش کے صنعتی شہر اندور میں کورونا سے تحفظ کے لیے ڈیڑھ مہینے سے لاک ڈاؤن نافذ ہے مگر اب کورونا کے مریضوں کی تعداد میں کمی آنے کی وجہ سے انتظامیہ نے شرطوں کے ساتھ ان لاک کی اجازت ملی ہے۔
کورونا وائرس کی دوسری لہر سے اندور میں کہرام برپا ہو گیا تھا جس میں ہزاروں افراد لقمہ اجل بن گئے۔ اس کے پیش نظر ریاستی سرکار نے لاک ڈاؤن نافذ کر دیا تھا مگر اب حالات سازگار ہوتے نظر آرہے ہیں اور شفا یابی کی شرح میں بھی اضافہ ہوا ہے۔
شفا یابی کی شرح تقریباً 6 ہے جس کی وجہ سے اندور کو مکمل ان لاک نہیں کیا جا رہا بلکہ شرطوں کے ساتھ جزوی طور پر ان لاک کیا جا رہا ہے۔ وہیں اجتماعی سرگرمیوں پر پابندی عائد رہیں گی۔
گزشتہ چوبیس گھنٹوں میں اندور میں کورونا سے متاثر 391 کے نئے معاملے سامنے آئے ہیں جبکہ ہسپتالوں سے شفاء یاب ہو کر گھر لوٹنے والوں کی تعداد ایک ہزار تک پہنچ گئی ہے۔
کاروباری تنویر خان کا کہنا ہے کہ بڑی خوشی کی بات ہے کہ اندور ان لاک ہونے جا رہا ہے۔ ہم نے پوری طرح سے لاک ڈاؤن پر عمل کیا، دشواریاں بھی پیش آئیں مگر آج خوشی ہورہی ہے۔
