ریاست مدھیہ پردیش کے صنعتی شہر اندور میں سماجی کارکن آنند موہن ماتھر نے اقلیتی بستی میں محلہ کلینک کا آغاز کیا۔
ایک تندرستی ہزار نعمتوں سے بہتر ہے اس سے اب لوگ بخوبی واقف بھی ہوگئے ہیں کیونکہ وبائی دور میں وہ اپنے یا اپنوں کے لئے دواخانے کا رخ ضرور کیا ہے۔
مسلسل لاک ڈاؤن سے جہاں معاشیات بری طرح متاثر ہوئی ہے وہیں علاج دن پر دن مہنگا ہو گیا ہے ایسے میں صوبے کا تجارتی دارالحکومت کہا جانے والا اندور میں ضرورت مندوں کے لئے انسانی خدمات کا درد رکھنے والے سماجی کارکن آنند موہن ماتھر نے اقلیتی بستی احمد نگر میں محلہ کلینک کا آغاز کیا اور خواہش ظاہر کی اندور کے دیگر محلوں میں ایسی کلینک کی شروعات کی جائے گی۔
سماجی کارکن آنند موہن ماتھر نے کہا کہ 'میری پوری کوشش ہوگی کہ اندور کے 85 وارڈوں میں ایسی محلہ کلینک کا آغاز ہو۔'
یہ بھی پڑھیں: سماج وادی خدمت میڈیکل سنٹر ہسپتال کا افتتاح
وہیں شاہین شیخ کا کہنا ہے کہ 'صحت ہزار نعمت کے برابر ہے یہ کورونا کے دور میں ہمیں یہ سمجھ میں آ گیا کہ ہم کن حالات سے گزر رہے ہیں بڑے ہسپتالوں میں علاج مہنگا ہوگیا ہے۔ تو ایسے میں کسی کو علاج کی ضرورت پڑ گئی تو محلہ کلینک میں ہم بغیر ہچکچاہٹ کے آسکتے ہیں اور بہت کم قیمتوں میں علاج کرا سکتے ہیں۔
