بھارتیہ جنتا پارٹی کے نائب صدر پربھات جھا نے وزیراعظم نریندر مودی کےدوسرے میعاد کار کے ایک سال مکمل ہونے پر پارٹی دفتر میں نامہ نگاروں سے گفتگو کے دوران کہا کہ بی جے پی مدھیہ پردیش میں ہونے والے اسمبلی کے سبھی چوبیس سیٹوں پر ضمنی انتخابات میں کامیابب ہوگی۔
انہوں نے کہاکہ ابھی تو انتخابات کا اعلان نہیں کیا گیا۔ پھر بھی بی جےپی ایک مضبوط تنظیم ہے۔ اس لیے پارٹی کی جیت ہوگی۔
انہوں نے کہا کہ کانگریس نے جو کام اپنے ساٹھ برسوں کے معیاد کار کے دوران نہیں کرپائی تھی اسے مودی حکومت نے چھ برسوں میں کرکے دکھادیا ہے۔
انہوں نے دعوی کیا کہ بی جے پی کی مرکز کی مودی حکومت غریبوں کی حکومت ہے۔ حکومت نے غریبوں کے لیے کئی منصوبے چلارہی ہے۔
انہوں نے بتایا کہ مودی حکومت کے چھ برسوں کی میعاد کار سے پہلے کانگریس کی حکومت کے معیاد کار میں ہمیشہ بدعنوانی کی گونج ہوتی تھی۔ لیکن اب بدعنوانی کے لیے کوئی آواز تک نہیں آتی ہے۔ کورونا کے وقت جنتا کرفیو کے دوران مودی حکومت کے ساتھ پورا ملک کھڑا تھا۔
