وزیراعظم نریندر مودی نے آج کہا کہ اصلاحات کو نافذ کرنے میں مدھیہ پردیش کی مستعدی دیکھ کر اچھا لگا۔
مودی نے وزیراعلیٰ شیوراج سنگھ چوہان کے ٹویٹ کے تناظر میں یہ تبصرہ کیا ہے۔ وزیراعظم نے شیو راج سنگھ چوہان کے ٹویٹ کو ری-ٹیوٹ کرتے ہوئے لکھا ہے ’اصلاحات کو نافذ کرنے میں مدھیہ پردیش کی مستعدی دیکھ کر اچھا لگا۔ اس سے جہاں عوام کو بہت مدد ملے گی وہیں ریاست کی تیزی سے ترقی ہوگی۔
قبل ازیں شیوراج چوہان نے مودی کی تعریف کرتے ہوئے ٹویٹ میں لکھا،’ وزیراعظم نریندر مودی وژنری لیڈر ہیں، ان میں عوام کی خدمت کرنے کی للک ہے اور وہ ملک کی تعمیر نو کے لیے کامیاب عوامی مفاد کا فیصلہ کرتے ہیں۔
مزید پڑھیں:
اندور کے عوام کی خودسپردگی اور جوش وخروش قابل تعریف: شیوراج
شیو راج سنگھ نے وزیر اعظم مودی کی حالیہ پالیسیز کے تناظر میں کہا کہ کورونا کی نا مساعد حالات کے باوجود انہوں نے ’آتم نربھر بھارت‘ کا نعرہ دیا جو ان کی عوامی بہبود و ترقی کے تئیں تڑپ اور دور بینی کا مظہر ہے۔
-یو این آئی
