ریاست مدھیہ پردیش کے ضلع راج گڑھ میں ایک خوفناک سڑک حادثہ میں پانچ لوگوں کی دردناک موت ہوگئی۔ جبکہ پانچ افراد زخمی ہوگئےہیں، زخمیوں میں بیشتر کی حالت نازک بتائی جارہی ہے۔
دو کار کے درمیان ٹکر اتنی زبردست تھی کہ گاڑی کے پرخچے اڑگئے ، موقع پر ہی پانچ لوگوں نے دم توڑدیا۔
بتایا جارہا ہے کہ ایک خاندان کے پانچ افراد ویگنار کار سے اندور کی طرف جا رہے تھے تبھی مہاراشٹر سے لکھنؤ کی طرف جا رہی انووا کار سے ٹکر ہوگئی۔
وہیں، پانچ افراد کو پولیس نے لوگوں کی مدد سے فوری طور پر قریبی سارنگ پور ہسپتال پہنچایا ہے، جہاں تمام زخمیوں کا علاج جاری ہے۔
اطلاعات کے مطابق سڑک حادثہ اتنا خوفناک تھا کہ کار میں بیٹھے یادو خاندان کے 5 افراد میں سے صرف ایک بچہ زندہ بچ پایا ہے اور کنبہ کے باقی افراد کی موت ہوگئی ہے۔ جبکہ دوسری کار میں بیٹھے افراد جو سادھو سنت بتائے جا رہے ہیں، وہ مہاراشٹر سے اترپردیش کے لکھنؤ جارہے تھے، جن میں سے ایک اس حادثے میں ہلاک ہوگیا ہے، جبکہ پولیس واقعے کی تحقیقات کر رہی ہے، حادثے کے پیچھے کیا وجوہات ہیں۔
