کانگریس کے سینئر رہنما دگ وجے سنگھ اور ساتھی 150 کانگریسی کارکنان کو ریلی نکالنا بھاری پڑگیا اور ان کے خلاف تھانے میں ایف آئی آر درج کروائی گئی۔
در اصل دگ وجے سنگھ نے صوبے میں لگاتار بڑھتی پیٹرول اور ڈیزل کی قیمتوں کے خلاف کانگریسی کارکنان کے ساتھ سائیکل ریلی نکالی اور پیٹرول اور ڈیزل کے داموں کو کم کرنے کا مطالبہ کیا۔
اس سائیکل ریلی میں بڑی تعداد میں کانگریسی کارکنان نے شرکت کی اور ملک میں کورونا وبا کے پیش نظر لاک ڈاون کی خلاف ورزی کی۔
ایف آئی آر میں یہ الزام لگائے گئے کہ اس ریلی میں جہاں قانون کو طاق پر رکھا گیا تو وہیں اس کی وجہ سے عام لوگوں کو بھی پریشانی کا سامنا کرنا پڑا ہے۔
کانگریس لیڈر اور کارکنان نے روشن پورا چوراہے سے لے کر وزیراعلیٰ شیوراج سنگھ چوہان کے بنگلے تک جانے کی کوشش کی لیکن پولیس کے روکنے کے بعد وزیراعلیٰ شیوراج سنگھ چوہان کو متعلقہ افسر کے معرفت ایک میمورنڈم دیا گیا۔
آپ کو بتا دیں دفعہ 144 نافذ ہونے کے بعد اس طرح کی ریلی نکالنے کو قانوناً جرم قرار دیا گیا ہے۔
