فرانسیسی رسالہ چارلی ہیبڈو کی جانب سے پیغمبر اسلام حضرت محمد ﷺ کی شان میں گستاخی کے خلاف آج بھوپال کے تاریخی اقبال میدان پر رکن اسمبلی عارف مسعود کی قیادت میں ہزاروں لوگوں نے احتجاج کیا۔
اس احتجاجی جلسے میں علما و دانشوران نے بھی شرکت کرتے ہوئے کہا ہے کہ 'فرانس کے صدر نے جو رویہ اختیار کیا وہ ایک دہشت گردانہ عمل کی حمایت ہے'۔
انھوں نے کہا ہے کہ 'مسلمانوں کے لیے یہ وقت نہایت صبر آزما ہیں۔ جسے پوری دنیا نے اس وقت حقیقت کو تسلیم کیا ہے'۔
علما نے کہا کہ 'ہر طبقے اور مذہب کی قابل قدر شخصیات کے حقیقت پسندانہ بیانات کے باوجود آج اگر کچھ خراب ذہنیت کے لوگ آپ صلی اللہ علیہ وسلم پر کیچڑ اچھالنے کی جسارت کرتے ہیں یہ سورج اور چاند پر تھوک کر خود اپنا چہرہ بد نما کرنے کے علاوہ کچھ نہیں ہے'۔
رکن اسمبلی عارف مسعود نے کہا 'یہ جو مجموعہ جمع ہوا ہے۔ یہ نبی کریم صلی اللہ علیہ وسلم کو چاہنے والے ہیں۔ یہ سب ان کی محبت میں جمع ہوے ہیں'۔
انھوں نے کہا ہے کہ 'فرانس کو اس گستاخی کی معافی مانگنا چاہیے اور بھارتی حکومت کو بھی اس معاملے میں دخل دینا چاہیے'۔
