اجین: ریاست مدھیہ پردیش کے تاریخی شہر اجین کی سماجی تنظیم جذبہ سوشل فاؤنڈیشن کی جانب سے ہر سال کی طرح امسال بھی عید ملن اور جذبہ ایوارڈ گوہرۂ معاشرہ کا اعزازی جلسہ منعقد کیا گیا۔ اس جلسے کا عنوان تھا مٹھاس محبت کی۔ تنظیم کی جانب سے ہر سال مختلف شعبوں میں نمایاں کارکردگی کا مظاہرہ کرنے والے لوگوں کو گوہر معاشرہ ایوارڈ سے نوازا جاتا ہے۔
اس برس بھی صحافی زاہد میر، مشہور کارٹونسٹ اسماعیل لہری اور اپنی رپورٹنگ سے معاشرے کو بیدار کرنے والے ای ٹی وی بھارت کے صحافی قمر غوث کو گوہرِ معاشرہ ایوارڈ سے نوازا گیا۔
تقریب میں شہر اور اطراف کے قاضیان، بھارتی جنتا پارٹی مائناریٹی سیل کے قومی صدر ،صوبائی نومنتخب وقف بورڈ کے صدر اور رکن اسمبلی کے ہاتھوں یہ ایوارڈ دیا گیا۔ جلسے کی شروعات قرآن مجید سے کی گئی اور اس کے بعد مولانا نے مشہور شعراء کرام کا کلام پیش کئے۔ اس موقع پر صوبے کی معزز شخصیات بھی موجود تھی۔
ڈاکٹر شاداب صدیقی نے اس موقع پر کہا کہ اس ملک کی یہ خوبصورتی ہے کہ یہاں کے تہوار کسی ایک کا مذہب کے ماننے والوں کے تہوار نہیں بلکہ تمام مذاہب کا ہوتا ہے۔کوئی ہندو یہ نہیں کہتا کہ دیوالی صرف میرا تہوار ہے۔ کوئی مسلم یہ نہیں کہتا کہ عید میرا تہوار ہے اور نہ ہی کوئی کرسچن یہ کہتا ہے کہ کرسمس صرف اس کا تہوار ہے۔ یہ بھائی چارہ ہے۔اس کی جتنی تعریف کی جائے اتنی کم ہے۔
یہ بھی پڑھیں:MP Haj Flight Schedule Released مدھیہ پردیش حج پروازوں کا شیڈول جاری
انہوں نے کہاکہ یہ خوبی صرف ہندوستان میں ملتی ہے۔ مجھے نہیں پتہ کہ اس کے علاوہ دنیا میں کوئی ملک ہے جو اس فیض سے لطف اندوز ہو رہا ہے۔ ایسے ہی عید الفطر کے موقع پر تمام مذاہب کے لوگ ایک دوسرے کو مبارکباد پیش کرتے ہیں۔جب وہ ایسا کر رہے ہوتے ہیں تو وہ پیغام دیتے ہیں کہ آپ اور ہم میں کوئی بڑا فرق نہیں ہے ۔
صدیقی نے مزید کہا کہ کوئی شخص اگر سر سے پیر تک نفرتوں میں لبریز ہو تو بھی وہ محبت کے فلسفے کی مخالفت نہیں کر سکتا. کوئی شخص کسی مذہب کا مخالف ہو سکتا ہے مگر وہ محبت کا نہیں ہو سکتا۔خدمت انسانیت کے کام کرنے والوں کو اگر داد و تحسین سے بھی نوازا جاتا ہے تو یہ عمل بھی قابل ستائش سے ایسے میں جذبے کی اس اقدام کو سلام
